એક ટાંકણું ખમ્યો ને મને ચહેરો મળ્યો,

પ્રમુખસ્વામી મળ્યા ને મારો ફેરો ફળ્યો. એક ટાંકણું. ધ્રુવ

કેટલાય પથ્થર ખાણોમાં અટવાતા, શિલ્પીને મનડામાં કોઈક જ ભાવતા;

 કેવડાં તે પુણ્યે એ મારા પર સ્વામીનો,

 આમ જ અચાનક હાથ પડ્યો! એક ટાંકણું. ૧

કાળમીંઢ છાતી પર વાવ્યાં મેં શમણાં, ટચકે ટચકે મારી ભાંગી’તી ભ્રમણા;

 વિષયોની ખીણ મહીં ઠેબે ચડતો તેને,

 કંઠ મહીં ફૂલોનો હાર ચડ્યો. એક ટાંકણું. ૨

પ્રેમ તણા ટાંકણાનો ઘાવ મધમીઠો, ને વાગ્યો જણાય નહીં એવો અદીઠો;

 દોષોની કાંકરીઓ ક્યારે ઊડી એનો,

 બુદ્ધિને ક્યારે ના તાગ જડ્યો. એક ટાંકણું. ૩