કીર્તન મુક્તાવલી
2-1341: મુજ સંગાથે હરેક પલ
મુજ સંગાથે હરેક પલ
સાધુ મધુરવદનદાસ
મુજ સંગાથે હરેક પલ, હર સ્થલ છે મહંત સ્વામી,
બહાર જોઉં કે ભીતર, સંગે છે મહંત સ્વામી... ૧
વાર વાર હું ભૂલું એમને, એ કદી ના ભૂલે,
સ્મરું ત્યાં જ એ પ્રગટ થતા, નિર્માની મહંત સ્વામી.. ૨
લપસણી ધરા હોય તો તરત, ચેતવતા હૈયેથી,
જો લપસું તો તર્ત બાવડું, ઝાલે મહંત સ્વામી... ૩
પોતે તો બહું ઓછું બોલે, બીજામાં રહી બોલે,
પરમાં પોતે બોલે છે, એ શીખવે મહંત સ્વામી... ૪
હું તો બે-ત્રણ વાર જ નમું, દિવસમાં એનાં ચરણે,
સૌમાં રહી સો વાર મને, નિત નમતા મહંત સ્વામી... ૫