હરિબળગીતા
કડવું – ૩
ભવજળ તરવા ઘનશ્યામ નામ નાવજી, આવી બેસે કોઈ રંક કે રાવજી ।
પામે ભવપાર સે’જે સ્વભાવજી, તેહ વિના તરવા અન્ય ન ઉપાવજી1 ॥૧॥
ઢાળ
ઉપાવ નથી આ જીવને, ભવજળ તરવા કાજ ।
નારાયણના નામરૂપી, જાણો અજર2 એ જા’જ3 ॥૨॥
મશક4 તુંબાં મગાવીને, કહું કટિયે બાંધે કોય ।
સરે5 ન ઉતરે સિંધુને, જે અતિ અગાધ છે તોય6 ॥૩॥
તેમ સાધન સર્વે કહિયે, તુંબા મશકને તુલ્ય ।
તેને ભરોંસે ન ભવ તરે, જાય જનમ અમૂલ્ય ॥૪॥
માટે બળ રાખી બહુનામીનું, રહેવું નિર્ભય નરને નચિંત ।
પતિતપાવન બિરુદ7 છે, તે તજશે નહિ કોઈ રીત ॥૫॥
એહ વિશ્વાસ અંતરે, રાખી તજે બીજું બળ ।
તેહ પ્રાણી ઊતરશે, ભલી ભાતે ભવજળ ॥૬॥
અચળ આશ્રય8 ઉરમાં, પ્રભુ પ્રગટનો પ્રમાણ ।
એવા જન જે જગમાં, તે પામે પરમ કલ્યાણ ॥૭॥
જ્યારે પોત9 ન તારે પાષાણને, તારે કાષ્ટ તરણ10 કાં તુંબડાં ।
નિષ્કુળાનંદ એ નાવનાં, વખાણ કેમ થાય વડાં ॥૮॥ કડવું ॥૩॥