હરિબળગીતા

કડવું – ૪૦

લાજ મારી છે હરી તમારે હાથજી, મુજ અનાથના તમે છો નાથજી ।

સંકટમાંહી સ્વામી રે’જો સાથજી, એટલી સુણજો ગરીબની ગાથજી1 ॥૧॥

ઢાળ

ગાથ સુણી ગરીબની, ગુણનિધિ2 ગ્રે’જો બાંય3

મ જોશો અવગુણ માહેરા, શ્રીહરી કરજો સા’ય ॥૨॥

અધમ ઉદ્ધારણ પતિતપાવન, દીનબંધુ છો દયાળ ।

જોઈ બિરુદ4 સામું શ્યામળા, સુખદાયી લેજો સંભાળ ॥૩॥

ઘણા ગુન્હા ઘનશ્યામજી, તમે બક્ષ્યા5 આગે આશ્રિતના ।

તેમ ગુન્હા ગોવિંદ મારા, બક્ષજો બહુ રીતના ॥૪॥

તમારાને તમ વિના, નથી અન્ય કોઈ આધાર ।

તે જાણો છો જગદીશ તમે, શું કહું હું વારમવાર ॥૫॥

જેના જે આશ્રિત છે, પ્રભુ તેની છે તેને લાજ ।

તેહ વિના ત્રિલોકમાં, એનું કોણ હેતુ મહારાજ ॥૬॥

તેહ સારુ હરિ તમને, વળી વળી વિનતિ કરું ।

અવર6 બીજા ઉપાયથી, નથી આવતું દુઃખનું સરું ॥૭॥

જે કે’વાનું હતું તે મેં કહ્યું, હરિકૃષ્ણ જોડી જુગ હાથ ।

દીનબંધુ દીલ ધારજો, નિષ્કુળાનંદના નાથ ॥૮॥ કડવું ॥૪૦॥

 

પદ – ૧૦

રાગ: મેવાડો (‘અંતકાળે આવી રે સંભાળી લેજો શ્યામળા રે’ એ ઢાળ)

નાથજી નિવારો રે દોષ નિજ દાસના રે, જોશો મા અવગુણ મારા જીવન ।

પ્રભુજી સંભારી રે બીરુદ પોતાતણું રે, કરીયે પતિતને રે પાવન... નાથજી૦ ॥૧॥

અનેક અધમ રે આગે ઉદ્ધારિયા રે, થાય નહિ ગણતાં તેનો રે થાપ7

દીનના બંધુ છો રે દીનદયાળજી રે, શરણાગતના હરણ સંતાપ... નાથજી૦ ॥૨॥

આકરી વેળાયે રે આવો છો ઉતાવળા રે, વા’લા નથી કરતા વેળ લગાર ।

સહી ન શકો રે સંકટ સંતનાં રે, પૂર્ણ હેતુ છો પ્રાણ આધાર... નાથજી૦ ॥૩॥

સંસાર તો સર્વે રે જેને શત્રુ જ છે રે, મિત્ર એક તમે રે મહારાજ ।

નિષ્કુળાનંદ રે કહે નરતન ધરી રે, આવો છો અલબેલા એહ કાજ... નાથજી૦ ॥૪॥ પદ ॥૧૦॥

કડવું 🏠 home ગ્રંથ મહિમા કડવું – ૧ કડવું – ૨ કડવું – ૩ કડવું – ૪ પદ – ૧ કડવું – ૫ કડવું – ૬ કડવું – ૭ કડવું – ૮ પદ – ૨ કડવું – ૯ કડવું – ૧૦ કડવું – ૧૧ કડવું – ૧૨ પદ – ૩ કડવું – ૧૩ કડવું – ૧૪ કડવું – ૧૫ કડવું – ૧૬ પદ – ૪ કડવું – ૧૭ કડવું – ૧૮ કડવું – ૧૯ કડવું – ૨૦ પદ – ૫ કડવું – ૨૧ કડવું – ૨૨ કડવું – ૨૩ કડવું – ૨૪ પદ – ૬ કડવું – ૨૫ કડવું – ૨૬ કડવું – ૨૭ કડવું – ૨૮ ગ્રંથ મહિમા પદ – ૭ કડવું – ૨૯ કડવું – ૩૦ કડવું – ૩૧ કડવું – ૩૨ પદ – ૮ કડવું – ૩૩ કડવું – ૩૪ કડવું – ૩૫ કડવું – ૩૬ પદ – ૯ કડવું – ૩૭ કડવું – ૩૮ કડવું – ૩૯ કડવું – ૪૦ પદ – ૧૦ કડવું – ૪૧ કડવું – ૪૨ કડવું – ૪૩ કડવું – ૪૪ પદ – ૧૧