હરિબળગીતા
કડવું – ૩૮
કેનેક બળ અન્ન ધન રાજ્યતણુંજી, કેનેક બળ વળી વિદ્યાનું ઘણુંજી ।
કેનેક બળ દેહ દેખી આપણુંજી, એહ માંયેલું બળ નથી મારે અણુંજી ॥૧॥
ઢાળ
અણું નથી એહ માંહેલું, બળ બીજાનું વળી માહરે ।
સમર્થ સહજાનંદજી, હું તો શરણ છઉં તાહરે ॥૨॥
આકરી વેળામાં આવજો, પ્રભુજી તમે મારી પાસ ।
ખરી વેળામાં ન ખસવું, હરિ જાણી પોતાનો દાસ ॥૩॥
વસમી વેળાએ વાલમાં, વળી વળી કરજો વા’રને1 ।
સંકટમાં શ્રીહરિ સ્વામી, શ્યામળા કરજો સારને2 ॥૪॥
અંતવેળા છે વસમી, એમ વદે છે વેદ પુરાણ ।
તેહ સમે તમે તરત આવી, સાર લેજો શ્યામ સુજાણ ॥૫॥
ઊઠે દેવતા અંગના, એક દંડો3 ચાલે વળી શ્વાસ ।
તેહ સમે તમે સંભાળજો, મારા અલબેલા અવિનાશ ॥૬॥
માગું છું એહ મહાપ્રભુ, દુઃખ ફોજ4 કરજો દૂર ।
વ્યાધિમાં વ્યાકુળ વેળા, શ્રીહરિ રે’જો હજૂર ॥૭॥
છેલ્લી ભલામણ એ જ છે, કરજો વસમી વેળાએ વા’ર ।
વારમવાર વિનતિ કરી, કહે નિષ્કુળાનંદ નિરધાર ॥૮॥ કડવું ॥૩૮॥