હરિબળગીતા

કડવું – ૪૪

હરિબળગીતા હેતે સાંભળશેજી, તેહના સર્વે શોક સંશય ટળશેજી ।

સમજી સાંભળતાં પાપ પળશેજી, નિરબળ નરને બળ મળશેજી ॥૧॥

ઢાળ

મળશે બળ નિરબળને, તે પ્રભુને પ્રતાપે કરી ।

સમુદ્ર જે સંકટનો, તે તરત નર જાશે તરી ॥૨॥

પુષ્ટિ છે પ્રભુના દાસને, આ ગ્રંથમાં ઘણી ઘણી ।

હાર્યાને હિંમત આવશે, અપો’ચ1 ટળશે આપણી ॥૩॥

લડથડતાંને લાકડી, કાજુ2 આપી છે કરમાંઈ ।

ભોંયે પડ્યાનો ભય ટળ્યો, કહું બીક ન રહી કાંઈ ॥૪॥

હિંમત સહિત હાલશે, કરી કાયરતા વળી દૂર ।

આગળ પગ આરોપશે, થઈને સાચો શૂર ॥૫॥

ઘણું બળ ઘનશ્યામનું, અતિ આવશે ઉરને વિષે ।

મોળપ3 મટશે મનની, આ ગ્રંથ જો સાંભળશે ॥૬॥

એકાદશ પદ ચુંવાળીશ કડવાં, વળી ચારસેં એનાં ચરણ છે ।

નિર્બળ સબળ સંતને, સદા એહ સુખકરણ છે ॥૭॥

સંવત અઢાર અઠાણુંનો, માસ પુરુષોત્તમ પુન્યમ દને ।

નિષ્કુળાનંદ જન હિત અર્થે, કર્યો ગ્રંથ સમજી મને ॥૮॥ કડવું ॥૪૪॥

 

પદ – ૧૧

રાગ – ધોળ (‘પામ્યા પામ્યા રે ભવજળ પાર’ એ ઢાળ)

મને માનીયો મોદ અપાર, સમઝી વાત સારી ।

સારી પેઠ્યે મેં શોધિયું સાર, મતિ જેવી હતી મારી ॥૧॥

મારી જાણમાં આવિયું જેમ, તેમનું મેં તેમ કહ્યું ।

કહ્યું અંતર ઉપજ્યું એમ, સમઝવા સારું થયું ॥૨॥

થયું નિર્ધનને ધનરૂપ, વસમી વેળા સમે ।

સમે અંતર તાપ અનૂપ, દુષ્ટ કોઈ નવ દમે4 ॥૩॥

દમે સમજ્યા વિના શરીર, પ્રગટ પ્રભુને મેલી ।

મેલી મહી5 વલોવતાં નીર, પ્રાપતિ સઈ6 છેલ્લી ॥૪॥

છેલ્લી સમજણ સંતની એહ, પ્રતાપ પ્રભુનો જાણે ।

જાણે સમર્થ શ્રીહરિ તેહ, ભરોંસો એ ઉર આણે ॥૫॥

આણે ટાંણે કરવો વિચાર, વિવેકે વળી વળી ।

વળી નરને કરવો નિરધાર, મોટા જો સંતને મળી ॥૬॥

મળ્યો મનુષ્ય દેહ અમૂલ્ય, ફરી ફરી મળતો નથી ।

નથી ઘટતી રાખવી ભૂલ્ય, કહું શું હું કથી કથી ॥૭॥

કથી કહ્યું મેં સર્વનું સાર, શાણા સમઝી લેજો ।

લેજો નિષ્કુળાનંદનો વિચાર, સુંદર સારો છે જો ॥૮॥ પદ ॥૧૧॥

 

ઇતિ શ્રીસહજાનંદસ્વામિશિષ્ય નિષ્કુળાનંદમુનિ વિરચિતા હરિબળગીતા સંપૂર્ણા ।

 

હરિબળગીતા સમાપ્તા

કડવું 🏠 home ગ્રંથ મહિમા કડવું – ૧ કડવું – ૨ કડવું – ૩ કડવું – ૪ પદ – ૧ કડવું – ૫ કડવું – ૬ કડવું – ૭ કડવું – ૮ પદ – ૨ કડવું – ૯ કડવું – ૧૦ કડવું – ૧૧ કડવું – ૧૨ પદ – ૩ કડવું – ૧૩ કડવું – ૧૪ કડવું – ૧૫ કડવું – ૧૬ પદ – ૪ કડવું – ૧૭ કડવું – ૧૮ કડવું – ૧૯ કડવું – ૨૦ પદ – ૫ કડવું – ૨૧ કડવું – ૨૨ કડવું – ૨૩ કડવું – ૨૪ પદ – ૬ કડવું – ૨૫ કડવું – ૨૬ કડવું – ૨૭ કડવું – ૨૮ ગ્રંથ મહિમા પદ – ૭ કડવું – ૨૯ કડવું – ૩૦ કડવું – ૩૧ કડવું – ૩૨ પદ – ૮ કડવું – ૩૩ કડવું – ૩૪ કડવું – ૩૫ કડવું – ૩૬ પદ – ૯ કડવું – ૩૭ કડવું – ૩૮ કડવું – ૩૯ કડવું – ૪૦ પદ – ૧૦ કડવું – ૪૧ કડવું – ૪૨ કડવું – ૪૩ કડવું – ૪૪ પદ – ૧૧