સારસિદ્ધિ
પદ - ૭
રાગ – ગરબી (‘સહજાનંદ સિંધુ રે આજ મારે’ એ ઢાળ)
ધર્મ છે ધામ રે સર્વે સુખનું રે,
રાખજો જન કરી જતન રે;
ધર્મ ધારીને રે સંત સુખી થયા રે,
વાલપે વરત્યા હરિને વચન રે… ધર્મ ॥૧॥
વચન વિના રે ધોખે1 નથી ધારતા રે,
માનતા નથી કેવળ2 ધર્મમાંહી માલ રે;
બીજા જે ધર્મ રે જેવાં બોર બગાંમણાં3 રે,
લાગે જંબુકને4 મન લાલ રે... ધર્મ ॥૨॥
એવા ધર્મ અન્ય રે જાણીને ઉરથી રે,
મેલી છે મનથી ઉતારી વાત રે;
રાજા ઋષિનું રે, શ્રવણે સાંભળ્યું રે,
સુખ સારુ દુઃખ પામ્યા સાક્ષાત રે... ધર્મ ॥૩॥
શુદ્ધ સાચો ધર્મ રે શ્રીમુખે સાંભળી રે,
વળગી રહ્યા છે વચન માંઈ રે;
નિષ્કુળાનંદ રે જ્ઞાની તેને ગણવા રે,
કરવું ન રહ્યું તેને કાંઈ રે… ધર્મ ॥૪॥
કડવું - ૨૯
ધર્મ રાખે તે ધર્મી કે’વાયજી, ધર્મ વિના જેણે પળ ન રે’વાયજી
ધર્મ જાતાં સુખ સર્વે જાયજી, ધર્મ રહે છે એવા જનમાંયજી
એવા જનમાં ધર્મ રહે, જે માહાત્મ્ય જાણે મહારાજનું ॥
મહા મોંઘો મેળાપ જેનો, ક્યાંથી થાયે સર્વેને શિરતાજનું5 ॥૨॥
નર અમર અમરેશને અગમ, અગમ ઈશ અજને ઘણું ॥
પ્રકૃતિ પુરુષથી પરા6 રહ્યા, ક્યાંથી મળવું થાય તેને આપણું ॥૩॥
સર્વે ધામના ધામી એ સ્વામી, વળી અનંત બ્રહ્માંડ આધાર ॥
ક્ષર અક્ષરના આત્મા, પૂરણ સહુને પાર ॥૪॥
તેહ પ્રભુ પ્રગટ થઈ, નાથે ધરિયું નરતન ॥
એવા પ્રભુનાં આપણે, કહો ક્યાંથી મળે વચન ॥૫॥
મોટા મોટા ઇચ્છે છે મનમાં, આગન્યા સારુ ઉરમાંય ॥
એવા પ્રભુની આગન્યા, મળવી મોંઘી સહુને સદાય ॥૬॥
તેહ હરિ કૃપા કરી કે’છે, વળી વા’લપનાં વચન ॥
તે પડવા ન દેવા પૃથ્વીએ, લેવા ઝીલી અધરથી જન ॥૭॥
જેમ મોરપત્ની બિંદુ7 આવતાં, રત્યે8 લિયે છે રસે ભરેલડાં ॥
તેનો મયૂર થાય તદવત,9 થાય પડતાં બિંદુના ઢેલડાં ॥૮॥
તેમ આવતાં વચન વા’લાતણાં, ગ્રહી લિયે નર ગરજું થઈ ॥
તે પૂરણ પામે પ્રાપતિ, ફરી ફેરવણી રહે નઈ ॥૯॥
સર્વે કામ તેણે સારિયું, વળી ધાર્યા સર્વે ધર્મ ॥
નિષ્કુળાનંદ કહે નકી થયું, જેણે જાણ્યો આટલો મર્મ ॥૧૦॥