ધીરજાખ્યાન

કડવું – ૨૫

માગો હરિશ્ચંદ્ર આપું તુજનેજી, તમથી વા’લું નથી બીજું મુજનેજી

તમને પીડ્યા સુણી સુરેશની ગુજનેજી,¹ ઘટે એવું કામ કરવું અબુજનેજી²

અબુજ એવું કામ કરે, જેને ડર નહિ હરિતણો ॥

માટે માગો મુજ પાસથી, હું તો રાજી થયો ઘણો ॥૨॥

ત્યારે હરિશ્ચંદ્ર બોલિયા, ધન્ય તમે થયા પ્રસન્ન ॥

એથી અધિક બીજું નથી, મને સર્વે મળ્યો માલ ધન ॥૩॥

એમ કરતાં હોય આપવું, તો માગું છું મારા શ્યામ ॥

અમે અમારી રૈયત³ સહિત, રાખો તેડી તમારે ધામ ॥૪॥

ત્યારે વિષ્ણુએ એ વર આપિયો, આપ્યો વૈકુંઠે તમને વાસ ॥

એહ વાત હરિશ્ચંદ્રની કહી, સહુ સુણી લેજો હરિદાસ ॥૫॥

એવી ભક્ત આદરવી ખરી, જાણો જેવી હરિશ્ચંદ્રે કરી ॥

તેહ વિના તન મન તાને, નથી રીઝતા શ્રીહરિ ॥૬॥

કાલાવાલાનું⁴ કામ નથી, આ તો શીશ સાટાની વાત છે ॥

તેહ વિના કોઈ કરે વલખાં,⁵ તે તો કાળી કામળિયે ભાત છે ॥૭॥

જેમ હવા ખાવાનું સુણી હૈયાટળ,⁶ ચાલે કોઈ ચપણ⁷ લઈ ॥

પણ પેટ ભર્યાનાં છે પાંપળાં,⁸ તે જાલમ⁹ નર જાણે નઈ ॥૮॥

જેમ કાની¹⁰ કોટે¹¹ ઘાલી ગાળિયું, જઈ સૂતી સોડ તાણીને ॥

મનમાં જાણે હું મરી ગઈ, એવું કામ ન કરવું જાણીને ॥૯॥

શીદ ત્રોડી સંસારથી, રહેવું હતું ઘરમાંય ગરી ॥

નિષ્કુળાનંદ કહે મૂવા પછી, જે જે થાત વાત તે ખરી ॥૧૦॥

The Story of Harishchandra - Part 8

“Oh! Harishchandra. Ask for anything and I will give it to you. Nothing is more dear to me than you. Hearing your suffering, Indra makes a plea (to release you from your misery). Only the wicked would do such a thing for they do not fear God. Therefore, ask me for anything. I am pleased with you.”

Harishchandra replied, “I am fortunate you are pleased. There is nothing greater than attaining you as you are the wealth. If you are willing to give, then I ask that we, along with my subjects, reside in your abode.”

Nishkulanand Swami then praises Harishchandra’s strength amidst suffering.