ધીરજાખ્યાન

પદ – ૫

રાગ: સિંધુ

સત્યવાદી સંત સંકટને સહે, રહે ધીર ગંભીર નીરનિધિ¹ જેવા

આપે અમાપે તાપે તપે નહિ કે દી, અડગ પગ મગે² પરઠે એવા. સત્યવાદી ॥૧॥

જગ ઉપહાસ ત્રાસ હરિદાસ સહે, અન્ય કાસ³ ત્રાસ નાશ કીધી જેણે;

અવિનાશ પાસ વાસ આશ કરી, શ્વાસ ઉચ્છવાસ ઉલ્લાસ⁴ રહે છે તેણે. સત્યવાદી ॥૨॥

અતિ પ્રસન્નવદન નિશદિન રહે, ધન્યધન્ય જન પાવન સરે;⁵

જગજીવન સ્વજન વિઘન હરે, તેહ વિન ભજન મન નવ કરે. સત્યવાદી ॥૩॥

ગ્રહી ટેક એક વિવેક કરી ખરી, છેક⁶ તે નેક કહ્યે નવ તજે;

નિષ્કુળાનંદ જગવંદ સહજાનંદ, સુખકંદ ગોવિંદ મુકુંદ ભજે. સત્યવાદી ॥૪॥