कीर्तन मुक्तावली
ब्राह्मे मुहूर्ते शयनं विहाय (श्रीनीलकंठ चिन्तनाष्टकम्)
2-19001: श्री दीनानाथ भट्ट
ब्राह्मे मुहूर्ते शयनं विहाय
निजस्वरूपं हृदि चिन्तयित्वा ।
स्नातं विशुद्धं प्रचुराभिरद्भिः
श्रीनीलकंठं हृदि चिन्तयामि ॥१॥
श्वेतं च सूक्ष्मं परिधाय वासः
सितं द्वितीयं वसनं वसित्वा ।
चतुष्क - पीठाद् द्रुतमुत्तरन्तं
श्रीनीलकंठं हृदि चिन्तयामि ॥२॥
आशूपविश्या - मलनैजपीठे
विधाय सन्नैष्ठिक-कर्म नित्यम् ।
नारायणं मालिकया स्मरन्तं
श्रीनीलकंठं हृदि चिन्तयामि ॥३॥
सुगन्धिना केसर - चन्दनेन
सन्मल्लिका - चंपकपुष्पहारैः ।
संपूज्यमानं निजभक्तवर्यैः
श्रीनीलकंठं हृदि चिन्तयामि ॥४॥
कर्णे दधानं कुसुमावतंसं
शिरःपटे कैसुम-शेखरालिम् ।
कंठे च नानाविध - पुष्पहारान्
श्रीनीलकंठं हृदि चिन्तयामि ॥५॥
भक्ष्यैश्च भोज्यैः सह लेह्यचोष्यै-
र्द्रष्ट्वा पुरा भोजनभाजनं च ।
पूरी - मदन्तं च ससूपभक्तं
श्रीनीलकंठं हृदि चिन्तयामि ॥६॥
भक्तैरनेकै र्मुनिभिर्गृहस्थैर्
वृत्तं सभायं भगणैरिवेन्दुम् ।
सहास - वक्त्राम्बुज - चारुनैत्रं
श्रीनीलकंठं हृदि चिन्तयामि ॥७॥
निःसीम - कारुण्य - सुधामयेन
विलोकनेनातिमुदा स्वभक्तम् ।
बद्धांजलिं दीनमवेक्षमाणं
श्रीनीलकंठं हृदि चिन्तयामि ॥८॥
Brāhme muhūrte shayanam vihāy (Shrī Nīlkanṭh Chintanāṣhṭakam)
2-19001: Shri Dinanath Bhatt
Brāhme muhūrte shayanam vihāya
Nijswarūpam hṛudi chintayitvā |
Snātam vishuddham prachurābhiradbhihi
Shrī Nīlkanṭham hṛudi chintayāmi ||1||
Shvetam cha sūkṣhmam paridhāy vāsaha
Sitam dvitīyam vasanam vasitvā |
Chatuṣhka - pīṭhād drutamuttarantam
Shrī Nīlkanṭham hṛudi chintayāmi ||2||
Āshūpavishyā - malanaijapīṭhe
Vidhāya sannaiṣhṭhika-karma nityam |
Nārāyaṇam mālikayā smarantam
Shrī Nīlkanṭham hṛudi chintayāmi ||3||
Sugandhinā kesar - chandanena
Sanmallikā - champaka-puṣhpahāraih |
Sampūjyamānam nija-bhaktavaryaih
Shrī Nīlkanṭham hṛudi chintayāmi ||4||
Karṇe dadhānam kusumāvatansam
Shirah-paṭe kaisuma-shekharālim |
Kanṭhe cha nānāvidh - puṣhpahārān
Shrī Nīlkanṭham hṛudi chintayāmi ||5||
Bhakṣhyaishcha bhojyaih sah lehya-choṣhyai-
Rdraṣhṭvā purā bhojana-bhājanam cha |
Pūrī - madantam cha sasūpabhaktam
Shrī Nīlkanṭham hṛudi chintayāmi ||6||
Bhaktairanekai rmunibhir-gṛuhasthair
Vṛuttam sabhāyam bhagaṇairivendum |
Sahās - vaktrāmbuj - chārunaitram
Shrī Nīlkanṭham hṛudi chintayāmi ||7||
Nihsīm - kāruṇya - sudhāmayena
Vilokanenātimudā swabhaktam |
Baddhānjalim dīnamavekṣhamāṇam
Shrī Nīlkanṭham hṛudi chintayāmi ||8||
