कीर्तन मुक्तावली
मानस चिन्तय चारुचरित्रम् (मानस चिन्तय)
2-19006: सद्गुरु निष्कामानंद ब्रह्मचारी
मानस चिन्तय चारुचरित्रम् ।
प्रेमवती - वृषपुत्रं पवित्रम् ॥
नूतनमुदिर - दयित - मंजुकाये ।
चन्द्रविशद-वसनानि धरन्तम् ॥ मानस. १
केसरतिलक-ललित-निजभाले ।
कुंकुम - चन्द्रक - धरमभिरामम् ॥ मानस. २
बिन्दुपरिष्कृत-शुभश्रुति-युग्मे ।
रत्न - सुशोभित - कुंडलधारम् ॥ मानस. ३
अम्बक-मधुप-लसित-लपनाब्जे ।
कुन्द - मुकुलसम - हासं दधानम् ॥ मानस. ४
रेखा - विराजित - वरकम्बुकंठे ।
पुरुविध-पुष्प-कनकमणिहारम् ॥ मानस. ५
विषधर-विग्रह-कल्प-करद्वये ।
पुष्प - रचित - वलयांगदधारम् ॥ मानस. ६
हरिमदहरतनु - मंजुल - कट्याम् ।
नंगखचित चामीकर-रशनाढ्यम् ॥ मानस. ७
करिकर-कदली-करभसम-सक्थिम् ।
सुषम - सुवृत्त - मुकुररूप - जानुम् ॥ मानस. ८
नूपुर - नादित - चरणमुदारम् ।
निष्कामानन्द - निखिलतापहारम् ॥ मानस. ९
Mānas chintaya chārucharitram (Mānas Chintaya)
2-19006: Sadguru Nishkamanand Brahmachari
Mānas chintaya chārucharitram |
Premvatī - vṛuṣhaputram pavitram ||
Nūtan-mudir - dayit - manjukāye |
Chandravishad-vasanāni dharantam || Mānas. 1
Kesar-tilak-lalit-nij-bhāle |
Kumkum - chandrak - dharamabhirāmam || Mānas. 2
Bindupariṣhkṛut-shubhashruti-yugme |
Ratna - sushobhit - kunḍal-dhāram || Mānas. 3
Ambak-madhup-lasit-lapanābje |
Kund - mukulasam - hāsam dadhānam || Mānas. 4
Rekhā - virājit - var-kambukanṭhe |
Puruvidha-puṣhpa-kanak-maṇihāram || Mānas. 5
Viṣhadhar-vigrah-kalpa-karadvaye |
Puṣhpa - rachit - valayāngadadhāram || Mānas. 6
Hari-madahar-tanu - manjul - kaṭyām |
Nang-khachit chāmīkar-rashanāḍhyam || Mānas. 7
Karikar-kadalī-karabhasam-sakthim |
Suṣham - suvṛutta - mukurarūp - jānum || Mānas. 8
Nūpur - nādit - charaṇ-mudāram |
Niṣhkāmānand - nikhil-tāpahāram || Mānas. 9
