कीर्तन मुक्तावली
विहरति योऽक्षरेऽक्षर पदाक्षर मुक्तपति (भजनाष्टकम्)
2-19009: सद्गुरु योगानंद स्वामी
विहरति योऽक्षरेऽक्षर - पदाक्षर - मुक्तपतिः
पुरुषविधो विधिं विधिहरीश्वरमुख्यबुधाः ।
शिरसि वहन्ति ते समुदितं किल येन मुदा
हृदि तमजं भजे भवहरं हरिकृष्णमहम् ॥१॥
प्रकृतिमया गुणा न च भवन्ति हि यत्र हरौ -
इति निगमागमा अपि वदन्ति च निर्गुणकम् ।
इति सगुणं गुणैरपि युतं परदिव्यशुभै-
र्हृदि तमजं भजे भवहरं हरिकृष्णमहम् ॥२॥
शमदम - कौशलस्मृति - तपोबल - कान्तिभग-
श्रुतशुचिसत्यता-स्ववशतार्जव-कीर्तिमुखाः ।
अपरिमिता गुणा ध्रुवतयात्र वसन्ति सदा
हृदि तमजं भजे भवहरं हरिकृष्णमहम् ॥३॥
प्रकृति-पराक्षरे बृहति धामनि मूर्तिधरैर्
निगमनिजायुधैश्च निजपार्षद-मुख्यगणैः ।
उरु य उपास्यतेऽपि रमया रमणीयतनुर्
हृदि तमजं भजे भवहरं हरिकृष्णमहम् ॥४॥
निखिलभगैश्च योऽक्षरपदे दिवि देवगणै-
रखिलविभूतिभि र्विभवभूमिरुपास्यत ए ।
रतिपतिदर्पहा - रमणरम्यक - रूपनिधिर्
हृदि तमजं भजे भवहरं हरिकृष्णमहम् ॥५॥
विजितमनोभवा भुवि भजन्ति च यं सततं
शमदमसाधनैः प्रशमितेन्द्रिय-वाजिरयाः ।
प्रकटित - मानुषाकृतिमिमे मुनिदेवगणा
हृदि तमजं भजे भवहरं हरिकृष्णमहम् ॥६॥
द्विज-वृष-साधुगो-मुनिगणानवितुं भुवि यो
वृषभवने वृषाद् धृतजनिर्जनको जगताम् ।
प्रकृतिभुवामपि प्रशमितुं यदधर्मकुलं
हृदि तमजं भजे भवहरं हरिकृष्णमहम् ॥७॥
ऋषिभिरभिष्टुतो नृपगणै र्नत-पादतलः
श्रुतिशिरसां गणैरुदितसूज्ज्वल-कीर्तिरसौ ।
अतिकृतिभिः प्रगीत इति यः कविकोकिलकैर्
हृदि तमजं भजे भवहरं हरिकृष्णमहम् ॥८॥
Viharati yokṣharekṣhar padākṣhar muktapati (Bhajanāṣhṭakam)
2-19009: Sadguru Yoganand Swami
Viharati yo’kṣhare’kṣhar - padākṣhar - muktapatih
Puruṣhavidho vidhim vidhiharīshvaramukhyabudhāhā |
Shirasi vahanti te samuditam kil yen mudā
Hṛudi tamajam bhaje bhavaharam Harikṛuṣhṇamaham ||1||
Prakṛutimayā guṇā na cha bhavanti hi yatra harau -
Iti nigamāgamā api vadanti cha nirguṇakam |
Iti saguṇam guṇairapi yutam paradivyashubhai-
Rhṛudi tamajam bhaje bhavaharam Harikṛuṣhṇamaham ||2||
Shamadam - kaushalasmṛuti - tapobal - kāntibhaga-
Shrutashuchisatyatā-swavashatārjava-kīrtimukhāhā |
Aparimitā guṇā dhruvatayātra vasanti sadā
Hṛudi tamajam bhaje bhavaharam Harikṛuṣhṇamaham ||3||
Prakṛuti-parākṣhare bṛuhati dhāmani mūrtidharair
Nigamanijāyudhaishcha nijapārṣhad-mukhyagaṇaihai |
Uru ya upāsyate’pi ramayā ramaṇīyatanur
Hṛudi tamajam bhaje bhavaharam Harikṛuṣhṇamaham ||4||
Nikhilabhagaishcha yo’kṣharapade divi devagaṇai-
Rakhilavibhūtibhi rvibhavabhūmirupāsyat e |
Ratipatidarpahā - ramaṇaramyak - rūpanidhir
Hṛudi tamajam bhaje bhavaharam Harikṛuṣhṇamaham ||5||
Vijitamanobhavā bhuvi bhajanti cha yam satatan
Shamadamasādhanaihai prashamitendriya-vājirayāhā |
Prakaṭit - mānuṣhākṛutimime munidevagaṇā
Hṛudi tamajam bhaje bhavaharam Harikṛuṣhṇamaham ||6||
Dvij-vṛuṣh-sādhugo-munigaṇānavitum bhuvi yo
Vṛuṣhabhavane vṛuṣhād dhṛutajanirjanako jagatām |
Prakṛutibhuvāmapi prashamitum yadadharmakulam
Hṛudi tamajam bhaje bhavaharam Harikṛuṣhṇamaham ||7||
Hruṣhibhira-bhiṣhṭuto nṛupagaṇai rnata-pādatalah
Shrutishirasām gaṇairuditasūjjvala-kīrtirasau |
Atikṛutibhihi pragīt iti yah kavikokilakair
Hṛudi tamajam bhaje bhavaharam Harikṛuṣhṇamaham ||8||
