कीर्तन मुक्तावली
ठुमक चलत रामचन्द्र बाजत पयजनियां
2-294: तुलसीदास
ठुमक चलत रामचन्द्र, बाजत पयजनियां... ꠶टेक
किलकत उठी चलत ध्याय, परत भूमि लटपटाय,
धाय मातु गोद लेत, दशरथकी रनियां... ꠶ १
अंचल रज अंग झारी, विविध भांति करी दुलार;
तन मन धन वारी डारी, बोलत मृदु बचनियां... ꠶ २
मोदक मेवा रसाल, मनमानै सो लेहु लाल;
और लेहु रुचि पान, कंचन झुनझुनियां... ꠶ ३
बिद्रुमसें ललित अधर, बोलत मुख बचन मधुर;
नासा अरु अधर बीच, लटकत लटकनियां... ꠶ ४
सुखमाके शिव कंबु, ग्रीव तीनरेख रुचिर;
वदन सुचिर कुटिल चिकुर, मंदमंद हसनियां... ꠶ ५
भ्रूकुति त्रिभंगी अंग, कछनी कछे कटि निषंग;
रेखा त्रय उदरबीच, सिंहसी ठवनियां... ꠶ ६
अद्भुत छबि अति अपार, को कवि जो बरणे पार;
कही न सकत शेष जाके, सहस्र दोउ रसनियां... ꠶ ७
तुलसीदास अति आनंद, निरखी के मुखारविंद;
रघुवर के छबि समान, रघुवर छबि बनियां... ꠶ ८
Ṭhumak chalat Rāmchandra bājat payjaniyā
2-294: Tulsidas
Ṭhumak chalat Rāmchandra, bājat payjaniyā... °ṭek
Kilkat uṭhī chalat dhyāy, parat bhūmi laṭpaṭāy,
Dhāy mātu god let, Dashrathkī raniyā... ° 1
Anchal raj ang zārī, vividh bhāti karī dulār;
Tan man dhan vārī ḍārī, bolat mṛudu bachaniyā... ° 2
Modak mevā rasāl, manmānai so lehu lāl;
Aur lehu ruchi pān, kanchan zunzuniyā... ° 3
Bidrumse lalit adhar, bolat mukh bachan madhur;
Nāsā aru adhar bīch, laṭkat laṭkaniyā... ° 4
Sukhmāke Shiv kambu, grīv tīnrekh ruchir;
Vadan suchir kuṭil chikur, mand-mand hasaniyā... ° 5
Bhrūkuti tribhangī ang, kachhanī kachhe kaṭi niṣhang;
Rekhā tray udarbīch, sinhasī ṭhavaniyā... ° 6
Adbhut chhabi ati apār, ko kavi jo barṇe pār;
Kahī na sakat Sheṣh jāke, sahasra dou rasaniyā... ° 7
Tulsīdās ati ānand, nirakhī ke mukhārvind;
Raghuvar ke chhabi samān, Raghuvar chhabi baniyā... ° 8
