कीर्तन मुक्तावली
आजकी तो शोभा श्याम बरनी न जावे
1-90: सद्गुरु मुक्तानंद स्वामी
पद - २
आजकी तो शोभा श्याम बरनी न जावे ꠶टेक
भूषन वसन शोभे देख देख मन लोभे,
कुंडळकी ज्योत शशी सूरकुं लजावे... १
सोहत हो बीनवान बोलनी अनंगवान,
उरपर पुष्पहार अधिक सोहावे... २
सुरवनिता के वृंद नाचत अति आनंद,
नारद तुंबरुं आये तव गुन गावे... ३
श्याम रे शोभा तुमा’री संतनकुं सुखकारी,
मुक्तानंद एही रूप सदा उर ध्यावे... ४
Ājakī to shobhā Shyām baranī na jāve
1-90: Sadguru Muktanand Swami
Pad - 2
Ājakī to shobhā Shyām baranī na jāve... ṭek
Bhūṣhan vasan shobhe dekh dekh man lobhe,
Kunḍaḷkī jyot shashī sūraku lajāve... 1
Sohat ho bīnavān bolanī anangvān,
Urapar puṣhpahār adhik sohāve... 2
Suravanitā ke vṛunda nāchat ati ānand,
Nārad Tunbaru āye tav gun gāve... 3
Shyām re shobhā tumā’rī santanku sukhkārī,
Muktānand ehī rūp sadā ur dhyāve... 4
