कीर्तन मुक्तावली

हम तो हरि सहजानंद रूपसें मतवारे

1-641: सद्‍गुरु प्रेमानंद स्वामी

पद - २

हम तो हरि सहजानंद रूपसें मतवारे,

हमारे सुख संपत एही प्रानजीवन प्यारे... हम꠶ टेक

भावे कोउ सुंदर कहो भावे कहो कारे,

हमकुं येही रूप बिना और सकल खारे... हम꠶ १

देहनमें प्रान पिया नैननमें तारे,

इनही पर तन मन धन वारी वारी डारे... हम꠶ २

हमारे येही करम रेख टरत नहिं टारे,

येही कारन महामुनिजन कोटिक पची हारे... हम꠶ ३

प्रेमानंद निगमागम कहत है अपारे,

सहजानंद श्यामसुंदर निरखी उर धारे... हम꠶ ४

1-641: Sadguru Premanand Swami

Pad - 2

Ham to Hari Sahajānand rūpse matvāre,

Hamāre sukh sampat ehī Prānjīvan pyāre...

Bhāve kou sundar kaho bhāve kaho kāre,

Hamku yehī rūp binā aur sakal khāre... ham 1

Dehanme prān pīyā nainanme tāre,

Inhi par tan man dhan vārī vārī ḍāre... ham 2

Hamāre yehī karam rekh ṭarat nahi ṭāre,

Yehī kāran mahāmunijan koṭik pachī hāre... ham 3

Premānand nigamāgam kahat hai apāre,

Sahajānand Shyāmsundar nirakhī ur dhāre... ham 4