कीर्तन मुक्तावली
अति मनोहरं सर्व सुन्दरं (श्रीहरिप्रार्थना स्तोत्रम्)
2-19005: सद्गुरु शतानंद मुनि
अति - मनोहरं सर्व - सुन्दरं
तिलकलक्षणं चंचलेक्षणम् ।
विबुधवन्दितं स्वामिनाथ ते
वपुरिहास्तु नो नित्यदर्शने ॥१॥
मदन - मोहनं प्रेम - दोहनं
नयनगोचरं भक्तसंचरम् ।
भुवि सुदुर्लभं स्वामिनाथ ते
वपुरिहास्तु नो नित्यदर्शने ॥२॥
निजजनैः सदा वांच्छितं हृदा
परसुखावहं हृत्तमोपहम् ।
परम - मंगलं स्वामिनाथ ते
वपुरिहास्तु नो नित्यदर्शने ॥३॥
हृदय - रोचनं बद्ध - मोचनं
विगतशोचनं दीर्घलोचनम् ।
मृदु - सिताम्बरं स्वामिनाथ ते
वपुरिहास्तु नो नित्यदर्शने ॥४॥
मधुर - भाषणं पुष्प - भूषणं
विजितदूषणं शोकशोषणम् ।
प्रहसदाननं स्वामिनाथ ते
वपुरिहास्तु नो नित्यदर्शने ॥५॥
कुसुम - शेखरं कोमलान्तरं
सदय - दर्शनं दुःखकर्शनम् ।
विधिहरार्चितं स्वामिनाथ ते
वपुरिहास्तु नो नित्यदर्शने ॥६॥
परम - पावनं लोक - भावनं
कुटिल - कुन्तलं पुष्पकुंडलम् ।
भवभयापहं स्वामिनाथ ते
वपुरिहास्तु नो नित्यदर्शने ॥७॥
सकलसिद्धिभिः सर्वॠद्धिभिः
श्रितपदं सदा योगिभिर्मुदा ।
तदिदमेव हि स्वामिनाथ ते
वपुरिहास्तु नो नित्यदर्शने ॥८॥
तव निवासतो दुर्गपत्तनं
जयति भूतले सर्वतोऽधिकम् ।
भवदुपाश्रयात् मुक्तिरत्र यद्
वसति सर्वदान्यत्रदुर्लभा ॥९॥
कुपथ - दुर्वनाद् घोरयौवनाद्
रसनवृश्चिकात् लोभलुब्धकात् ।
बहुतरापदो भूरि सम्पदो
मुहुरिह त्वया रक्षिता वयम् ॥१०॥
प्रबल - संशयाद् दुष्टसंश्रयान्
मदबिलेशयात् कुत्सिताशयात् ।
स्मरसरीसृपान् मानकोणपान्
मुनिपते वयं रक्षिता स्त्वया ॥११॥
अशुभ - भावतः क्रोधदावतो
मृतिजनुर्भयात् पापदुर्नयात् ।
मधुमहाविषात् सर्वथामिषाद्
यतिपते वयं रक्षिता स्त्वया ॥१२॥
विषयवारिधे स्तारिता यथा
करुणया वयं भूरिशस्तथा ।
तवपदाम्बुजा - सक्तिविघ्नतः
सततमेव नः पातुमर्हसि ॥१३॥
क्वचन मानसं त्वत्पदाम्बुजाद्
व्रजतु मान्यतो नाथ नः सदा ।
इति वयं मुहुः प्रार्थयामहे
निजजनप्रियं त्वामधीश्वरम् ॥१४॥
Ati manoharam sarva sundaram (Shrī Hari Prārthanā stotram)
2-19005: Sadguru Shatanand Muni
Ati - manoharam sarva - sundaram
Tilak-lakṣhaṇam chanchalekṣhaṇam |
Vibudha-vanditam Swāmināth te
Vapurihāstu no nityadarshane ||1||
Madan - mohanam prem - dohanam
Nayan-gocharam bhakta-sancharam |
Bhuvi sudurlabham Swāmināth te
Vapurihāstu no nityadarshane ||2||
Nij-janaih sadā vānchchhitam hṛudā
Para-sukhāvaham hṛuttamopaham |
Param - mangalam Swāmināth te
Vapurihāstu no nityadarshane ||3||
Hṛudaya - rochanam baddha - mochanam
Vigata-shochanam dīrgha-lochanam |
Mṛudu - sitāmbaram Swāmināth te
Vapurihāstu no nityadarshane ||4||
Madhur - bhāṣhaṇam puṣhpa - bhūṣhaṇam
Vijita-dūṣhaṇam shok-shoṣhaṇam |
Prahas-dānanam Swāmināth te
Vapurihāstu no nityadarshane ||5||
Kusum - shekharam komalāntaram
Sadaya - darshanam dukh-karshanam |
Vidhiha-rārchitam Swāmināth te
Vapurihāstu no nityadarshane ||6||
Param - pāvanam lok - bhāvanam
Kuṭil - kuntalam puṣhpa-kunḍalam |
Bhavabhayāpaham Swāmināth te
Vapurihāstu no nityadarshane ||7||
Sakal-siddhibhihi sarva-ṛuddhibhihi
Shritapadam sadā yogibhirmudā |
Tadidamev hi Swāmināth te
Vapurihāstu no nityadarshane ||8||
Tav nivāsato durgapattanam
Jayati bhūtale sarvato’dhikam |
Bhavadupāshrayāt muktiratra yad
Vasati sarva-dānyatra-durlabhā ||9||
Kupath - durvanād ghorayauvanād
Rasana-vṛushchikāt lobh-lubdhakāt |
Bahutarāpado bhūri sampado
Muhurih tvayā rakṣhitā vayam ||10||
Prabal - sanshayād duṣhṭa-sanshrayān
Madabileshayāt kutsitāshayāt |
Smarasarīsṛupān mānakoṇapān
Munipate vayam rakṣhitā stvayā ||11||
Ashubh - bhāvatah krodhadāvato
Mṛutijanurbhayāt pāpadurnayāt |
Madhumahāviṣhāt sarvathāmiṣhād
Yatipate vayam rakṣhitā stvayā ||12||
Viṣhayavāridhe stāritā yathā
Karuṇayā vayam bhūrishastathā |
Tavapadāmbujā - saktivighnatah
Satatamev nah pātumarhasi ||13||
Kvachan mānasam tvatpadāmbujād
Vrajatu mānyato nāth nah sadā |
Iti vayam muhuhu prārthayāmahe
Nijajanapriyam tvāmadhīshvaram ||14||
