कीर्तन मुक्तावली
प्रेमवती सुत जायो अनुपम
1-199: सद्गुरु मुक्तानंद स्वामी
श्रीहरि जयंती (चैत्र सुद - ९)
पद - १
प्रेमवती सुत जायो अनुपम, बाजत आनंद बधाई हो;
प्रगट भये पूरण पुरुषोत्तम, सुर सज्जन सुखदाई हो... प्रेम꠶ १
जय जय शब्द भयो त्रिभुवनमें, सुरनर मुनिजन हरखे हो;
सहसा त्रास भयो असुरन उर, वाम नयन भुज फरके हो... प्रेम꠶ २
निर्मल भयो आकाश दशो दिश, उडुगन अमल प्रकाशे हो;
प्रफुल्लित भये संतमन पंकज, खल नलिनी जीमी त्रासे हो... प्रेम꠶ ३
बजत दुन्दुभि विबुध गगनमें, बरखे सुमन हरखाई हो;
प्रेममगन नाचत सुरनारी, मुक्तानंद बल जाई हो... प्रेम꠶ ४
Premvatī sut jāyo anupam
1-199: Sadguru Muktanand Swami
Shrī Hari Jayantī (Chaitra sud 9)
Pad - 1
Premvatī sut jāyo anupam,
Bājat ānand badhāī ho;
Pragaṭ bhaye pūraṇ Purushottam,
Sur sajjan sukhdāī ho... prem 1
Jay jay shabda bhayo Tribhuvanme,
Surnar munijan harkhe ho;
Sahasā trās bhayo asuran ur,
Vām nayan bhuj farke ho... prem 2
Nirmal bhayo ākāsh dasho dish,
Uḍugan amaḷ prakāshe ho;
Prafullit bhaye santman pankaj,
Khaḷ nalinī jīmī trāse ho... prem 3
Bajat dundubhi vibudh gaganme,
Barkhe suman harkhāī ho;
Prem magan nāchat sūrnārī,
Muktānand baḷ jāī ho... prem 4
