कीर्तन मुक्तावली
धर्मस्य बालं मदनस्य कालं - भक्तिसुत स्तोत्र
1-4004: श्री दीनानाथ भट्ट
धर्मस्य बालं मदनस्य कालं सन्मार्गपालं हतलोभजालम् ।
कलेः करालं सुधियां रसालं नारायणं भक्तिसुतं नमामि ॥१॥
अहिंसशीलं प्रियहिंस्रकीलं जितप्रमीलं कृतदिव्यलीलम् ।
पयोदनीलं प्रियसाधुशीलं नारायणं भक्तिसुतं नमामि ॥२॥
पाषण्डनाशं विबुधप्रकाशं सुखावकाशं हतभक्तपाशम् ।
विद्याविकाशं जनतानिराशं नारायणं भक्तिसुतं नमामि ॥३॥
सुरारिमोहं सुमतिप्ररोहं सच्छास्त्रदोहं कुधियामपोहम् ।
सदा विमोहं पुरुशोभनोऽहं नारायणं भक्तिसुतं नमामि ॥४॥
सदा पवित्रं मुनिवर्यमित्रं क्षमाचरित्रं जनतातिचित्रम् ।
अहिंससत्रं सुजनातपत्रं नारायणं भक्तिसुतं नमामि ॥५॥
वर्णीन्द्रवेशं लघुकीर्णकेशं हितोपदेशं सकलप्रजेशम् ।
गताघलेशं जितसर्वदेशं नारायणं भक्तिसुतं नमामि ॥६॥
अभीतिहस्तं वरदान्यहस्तं कर्म प्रशस्तं हतिपातबस्तम् ।
कुदेशिकास्तं कुपथागमास्तं नारायणं भक्तिसुतं नमामि ॥७॥
संसारसारं भवसिन्धुपारं दयाविहारं कृतधर्मधारम् ।
भक्तार्तिहारं भुवि दीनतारं नारायणं भक्तिसुतं नमामि ॥८॥
Dharmasya bālam madanasya kālam - Bhaktisut Stotra
1-4004: Shri Dinanath Bhatt
Dharmasya bālam madanasya kālam
Sanmārgapālam hatalobhajālam;
Kaleh karālam sudhīyām rasālam
Nārāyaṇam Bhaktisutam namāmi. 1
Ahimsa shīlam priyahinsrakilam
Jitapramīlam krutadivyalīlam;
Payodnīlam priyasādhushīlam
Nārāyaṇam Bhaktisutam namāmi. 2
Pāshandanāsham vibudhaprakāsham
Sukhāvkāsham hatabhaktapāsham;
Vidyāvikāsham jantānirāsham
Nārāyaṇam Bhaktisutam namāmi. 3
Surārimoham sumatipraroham
Sachhāstradoham kudhiyāmapoham;
Sadā vimoham purushobhanoham
Nārāyaṇam Bhaktisutam namāmi. 4
Sadā pavitram munivaryamitram
Kshamācharitram janatātichitram;
Ahimsasatram sujanātapatram
Nārāyaṇam Bhaktisutam namāmi. 5
Varṇīndravesham laghukirṇakesham
Hitopadesham sakalprajesham;
Gatāghalesham jitasarvadesham
Nārāyaṇam Bhaktisutam namāmi. 6
Abhītihastam varadānyahastam
Karma prashastam hatipātabastam;
Kudeshikāstam kupathāgamāstam
Nārāyaṇam Bhaktisutam namāmi. 7
Sansārsāram bhavasindhupāram
Dayāvihāram krutadharmadhāram;
Bhaktārtihāram bhuvi dīnatāram
Nārāyaṇam Bhaktisutam namāmi. 8
