कीर्तन मुक्तावली
ज्युं जलमांही लकीर परीसो - नाशवंत देह विषे
1-6008: सद्गुरु ब्रह्मानंद स्वामी
ज्युं जलमांही लकीर परीसो, टलीके टलीके टलीके टली है,
ज्युं मिसरी पयमांही परीसो, भलीके भलीके भलीके भली है;
देवल शीश चढाई धजासो, हलीके हलीके हलीके हली है,
ब्रह्ममुनि त्युंही देहकी आयु, चलीके चलीके चलीके चली है꠶ ७
काष्ठ चिता महीं बैठी सतीसो, जरीके जरीके जरीके जरी है,
सिंह के अग्र खडी बकरीसो, मरीके मरीके मरीके मरी है,
ज्युं घरियारके पास कटोरी, भरीके भरीके भरीके भरी है,
ब्रह्ममुनि कहे तैसें ही देह, परीके परीके परीके परी है꠶ ८
ताराकी ज्योतमें चंद्र छूपे नहिं, सूर्य छूपे नहिं बादल छायो,
रण चड्यो रजपूत छूपे नहिं, दाता छूपे नहिं मागन आयो;
चंचल नारीको नैन छूपे नहिं, प्रीत छूपे नहिं पीठ देखायो,
कवि गंग कहे सुन शाह अकबर, कर्म छूपे नहिं भभूत लगायो꠶ ९
रति बिन राज रति बिन पाट, रति बिन छत्र नहिं एक टीको,
रति बिन साधु, रति बिन संत, रति बिन जोग न होय जतीको;
रति बिन मात रति बिन तात, रति बिन मानस लागत फीको,
कवि गंग कहे सुन शाह अकबर, नर एक रति बिन एक रतीको꠶ १०
पावककुं जलबूंद निवारन, सूरज तापकुं छत्र कियो है,
व्याधिकुं वैद, तुरंगकुं चाबक चोपग वृक्ष दंड दियो है;
हस्ति महामदकुं अंकुश है, भूत पिशाच कुं मंत्र कियो है,
ओसड है सबको सुखकारक, स्वभाव के ओसड नाहीं कियो है꠶ ११
एक मिले दश वीशकुं इच्छत, वीश मीले शत सहस्र चहै है,
सहस्र मिले लख कोटी अरबलुं, भोमी सबे सभी राज हि पै है;
सोपी मिले सुरलोक विधि लगी, पूरनता मन में नहिं लै है,
एक संतोष बिना ब्रह्मानंद, तेरी क्षुधा कबहुं नहिं जै है꠶ १२
या तृष्णा बलवंति महाजग, रांक रु रावकुं नाच नचावे,
देव अदेव याहि करी नाचत, नाचत इंद्र सुरेश कहावे;
स्वर्ग पाताल सबे तृष्णा वश, तीनही लोकमें आन फिरावे,
ब्रह्ममुनि तृष्णा बडी डाहन, ज्ञान बिना तजी दूर न जावे꠶ १३
नाम बडे धन धाम बडे जगमांही बडी कीर्ति प्रगटी है,
बुद्धि बडी चतुराई बडी, अरु लावणता तनमें लपटी है;
द्वार हजारन लोक खडे रिद्धि इन्द्रहुं ते नहिं एक घटी है,
तुलसी रघुवीर की भक्ति बिना, ज्युं सुंदर नारी नाक कटी है꠶ १४
राज भयो कहा काज सर्यो, महाराज भयो कहा लाज बढाई,
साह भयो कहा बात बडी, पतसाह भयो कहा आन फिराई;
देव भयो तोउ काह बयो, अहमेव बढो तृष्णा अधिकाई,
ब्रह्ममुनि सतसंग विना, सब और भयो तो कहा भयो भाई꠶ १५
गौरव रौरव तुल्य गने, प्रभुताई सो पाप समान गहे है,
काल समा सतकारकुं जानत, कंचन गार समान रहे है;
नारि सो नागनि कारी समान है, यारी सो तो जम द्वारी बहे है,
कोमल अंतर ब्रह्ममुनि कहे सो सतशास्त्रसें संत कहे है꠶ १६
भजननी रात जेवी बीजी कोई रात नथी,
संतोनी वात जेवी बीजी कोई वात नथी;
मायानी लात जेवी बीजी कोई लात नथी,
भक्तोनी नात जेवी बीजी कोई नात नथी꠶ १७
श्री घनश्याम कहे सुन नारद, अंतर शुद्ध मेरो मत ऐहे,
मो संग प्यार उदार सदा मन, नाम उच्चार अहोनिश लैहे;
संत सच्चे जगमांही फिरे, तिनकुं दुःख आय निरंतर दैहे,
ब्रह्ममुनि भगवंत कहे सोय, मोय भजत पुनि नर्कमें जैहे꠶ १८
अषाढ उचारं मेघ मलारं बनी बहारे जलधारं,
दादुर डंकारं मयूर पुंकारं तडीयातारं विस्तारं;
नहि संभारं प्यार अपारं नंदकुमारं नीरख्यारी,
कहे राधे प्यारी मैं बलिहारी, गोकुळ आवो गिरधारी꠶ १९
मुवेकुं जीवावे आसमान चढी जावे;
पय अन्नहुं न खावे तो हुं मायाको गुलाम है,
विद्याकुं बखाने कछु मनहुंकी जाने;
ऐसे निपट सयाने ताको वासनामें धाम है,
सारी सृष्टिकुं उपजावे सब जीवकुं निभावे;
जग ईश ज्युं कहावे तो हुं मन परिणाम है,
ज्ञान भक्ति हीन अति उरमें मलीन;
ऐसे मूढकुं मुकुंद कहे ब्रह्मकुं न ठाम है꠶ २०
Jyu jalmāhī lakīr parīso - Nāshvant deh viṣhe
1-6008: Sadguru Brahmanand Swami
Jyu jalmāhī lakīr parīso, ṭalīke ṭalīke ṭalīke ṭalī hai,
Jyu misarī paymāhī parīso, bhalīke bhalīke bhalīke bhalī hai;
Deval shīsh chaḍhāī dhajāso, halīke halīke halīke halī hai,
Brahmamuni tyuhī dehakī āyu, chalīke chalīke chalīke chalī hai° 7
Kāṣhṭh chitā mahī baiṭhī satīso, jarīke jarīke jarīke jarī hai,
Sinha ke agr khaḍī bakarīso, marīke marīke marīke marī hai,
Jyu ghariyārke pās kaṭorī, bharīke bharīke bharīke bharī hai,
Brahmamuni kahe taise hī deh, parīke parīke parīke parī hai° 8
Tārākī jyotme chandra chhūpe nahi, sūrya chhūpe nahi bādal chhāyo,
Raṇ chaḍyo rajpūt chhūpe nahi, dātā chhūpe nahi māgan āyo;
Chanchal nārīko nain chhūpe nahi, prīt chhūpe nahi pīṭh dekhāyo,
Kavi gang kahe sun Shāh Akabar, karma chhūpe nahi bhabhūt lagāyo° 9
Rati bin rāj rati bin pāṭ, rati bin chhatra nahi ek ṭīko,
Rati bin sādhu, rati bin sant, rati bin jog na hoy jatīko;
Rati bin māt rati bin tāt, rati bin mānas lāgat fīko,
Kavi gang kahe sun shāh akabar, nar ek rati bin ek ratīko° 10
Pāvakku jalbūnd nivāran, sūraj tāpku chhatra kiyo hai,
Vyādhiku vaid, turangku chābak chopag vṛukṣha danḍ diyo hai;
Hasti mahāmadku ankush hai, bhūt pishāch ku mantra kiyo hai,
Osaḍ hai sabko sukhkārak, swabhāv ke osaḍ nāhī kiyo hai° 11
Ek mile dash vīshku ichchhat, vīsh mīle shat sahasra chahai hai,
Sahasra mile lakh koṭī arabalu, bhomī sabe sabhī rāj hi pai hai;
Sopī mile surlok vidhi lagī, pūrantā man me nahi lai hai,
Ek santoṣh binā Brahmānand, terī kṣhudhā kabhu nahi jai hai° 12
Yā tṛuṣhṇā balvanti mahājag, rānk ru rāvku nāch nachāve,
Dev adev yāhi karī nāchat, nāchat Indra suresh kahāve;
Swarg pātāl sabe tṛuṣhṇā vash, tīnahī lokme ān firāve,
Brahmamuni tṛuṣhṇā baḍī ḍāhan, gyān binā tajī dūr na jāve° 13
Nām baḍe dhan dhām baḍe jagmāhī baḍī kīrti pragaṭī hai,
Buddhi baḍī chaturāī baḍī, aru lāvaṇtā tanme lapṭī hai;
Dvār hajāran lok khaḍe riddhi Indrahu te nahi ek ghaṭī hai,
Tulsī Raghuvīr kī bhakti binā, jyu sundar nārī nāk kaṭī hai° 14
Rāj bhayo kahā kāj saryo, mahārāj bhayo kahā lāj baḍhāī,
Sāh bhayo kahā bāt baḍī, patasāh bhayo kahā ān firāī;
Dev bhayo tou kāh bayo, ahamev baḍho tṛuṣhṇā adhikāī,
Brahmamuni satsang vinā, sab aur bhayo to kahā bhayo bhāī° 15
Gaurav raurav tulya gane, Prabhutāī so pāp samān gahe hai,
Kāl samā satkārku jānat, kanchan gār samān rahe hai;
Nāri so nāgni kārī samān hai, yārī so to jam dvārī bahe hai,
Komal antar Brahmamuni kahe so satshāstrase sant kahe hai° 16
Bhajannī rāt jevī bījī koī rāt nathī,
Santonī vāt jevī bījī koī vāt nathī;
Māyānī lāt jevī bījī koī lāt nathī,
Bhaktonī nāt jevī bījī koī nāt nathī° 17
Shrī Ghanshyām kahe sun Nārad, antar shuddha mero mat aihe,
Mo sang pyār udār sadā man, nām uchchār ahonish laihe;
Sant sachche jagmāhī fire, tinku dukh āy nirantar daihe,
Brahmamuni Bhagwant kahe soy, moy bhajat puni narkame jaihe° 18
Aṣhāḍh uchāran megh malāran banī bahāre jaldhāran,
Dādur ḍankāran mayūr pukāran taḍīyātāran vistāran;
Nahi sambhāran pyār apāran Nandkumāran nīrakhyārī,
Kahe Rādhe pyārī mai balihārī, Gokuḷ āvo Girdhārī° 19
Muveku jīvāve āsmān chaḍhī jāve;
Pay annahu na khāve to hu māyāko gulām hai,
Vidyāku bakhāne kachhu manhukī jāne;
Aise nipaṭ sayāne tāko vāsanāme dhām hai,
Sārī sṛuṣhṭiku upjāve sab jīvku nibhāve;
Jag Īsh jyu kahāve to hu man pariṇām hai,
Gyān bhakti hīn ati urme malīn;
Aise mūḍhku Mukund kahe brahmaku na ṭhām hai° 20
