कीर्तन मुक्तावली
धर्म भक्ति लहि दिव्यगति संतत दिव्य शरीर
2-46: सद्गुरु ब्रह्मानंद स्वामी
दोहा
धर्म भक्ति लहि दिव्यगति, संतत दिव्य शरीर ।
सें हरि ढिगमें रहत भये, बहुरी आप नरवीर ॥१॥
निज संबंधीको जानबिन, नित मज्जन के मिष ।
तीव्र विरति के वेग तें, स्वगृह त्याग किय ईश ॥२॥
अरु ईकाकी चल उदीची दिक, तपसुं करन के हेत ।
निकसत भये अरु सोह कस, बहिर्वास हि समेत ॥३॥
चोपाई
धरकौपीन पीन मृगछाला, ढाकदंड भुजदंड विशाला ।
श्वेत जनेउ कंठ बिच माला, दुसर तुलसी की धर वृषलाला ॥१॥
उर्ध्वपुंड टीका युत नीका, तिलक चिह्न सुंदर अवधीका ।
मस्तक जटा जूट सुखकारी, कटि में मुंज मेखला धारी ॥२॥
करकमंडला जप की माला, जल छाननका पट उजियाला ।
यह वस्तूधर रह जगवंदा, शालग्राम यूं बालमुकुंदा ॥३॥
काबटुवा तिनको गलधारा, गुटका अंसधार चहु सारा ।
असधारत कर वेष उदारा, नीलकंठ बटु सरयूपारा ॥४॥
होकर उत्तर दिशा प्रयाना, चलत चलत कितने दिन ठाना ।
हिमगिरिनिकट महावन आया, तिनको पावत भये सुरराया ॥५॥
तहंते चलत भये कछु काला, हिम अग प्राप्त भये वृषलाला ।
तेहि भूभृत चालत कछु द्योषा, मुक्तनाथ प्रति आय अदोषा ॥६॥
कीन उग्र तप दिन मति तोषा, तहं कछु मास रहे बिनरोषा ।
तहं ते दिक दच्छिन जु पयाना, हिमगिरिमधि ईक विपिन भयाना ॥७॥
तिनमधि विचरत सूरज मासा, नीलकंठ बटु परम प्रकाशा ।
सोवन के बटतरुतर छाये, तपयोगी गोपाल सुहाये ॥८॥
तिन देखत भये योगी पासू, रह अष्टांगयोग शिखतासू ।
एक अब्द रह कृपा निधाना, योगिन निजस्वरूप दिय ज्ञाना ॥९॥
सिद्धगति को प्रापत कीना, तहंते पथ उत्तरका लीना ।
नीलकंठ बटु आदि वराहा, तीर्थ तासु पाये शुभराहा ॥१०॥
- व्रजभाषा वचनामृत
Dharma Bhakti lahi divyagati santat divya sharīr
2-46: Sadguru Brahmanand Swami
Dohā
Dharma Bhakti lahi divyagati, santat divya sharīr |
Se hari ḍhigme rahat bhaye, bahurī āp narvīr ||1||
Nij sambandhīko jānbin, nit majjan ke miṣh |
Tīvra virati ke veg te, swagṛuh tyāg kiya īsh ||2||
Aru īkākī chal udīchī dik, tapsu karan ke het |
Niksat bhaye aru soh kas, bahirvās hi samet ||3||
Chopāī
Dharkaupīn pīn mṛugchhālā, ḍhākdanḍa bhujdanḍa vishālā |
Shvet janeu kanṭh bich mālā, dusar tulasī kī dhar Vṛuṣhlālā ||1||
Urdhvapunḍa ṭīkā yut nīkā, tilak chihna sundar avadhīkā |
Mastak jaṭā jūṭ sukhkārī, kaṭi me munj mekhalā dhārī ||2||
Kar-kamanḍalā jap kī mālā, jal chhānanakā paṭ ujiyālā |
Yah vastūdhar rah jagvandā, shālgrām yū bālmukundā ||3||
Kābaṭuvā tinko galdhārā, guṭkā ansadhār chahu sārā |
Asadhārat kar veṣh udārā, Nīlkanṭh baṭu Sarayūpārā ||4||
Hokar uttar dishā prayānā, chalat chalat kitne din ṭhānā |
Himgirinikaṭ mahāvan āyā, tinko pāvat bhaye surrāyā ||5||
Tahate chalat bhaye kachhu kālā, him ag prāpta bhaye Vṛuṣhlālā |
Tehi bhūbhṛut chālat kachhu dyoṣhā, muktanāth prati āy adoṣhā ||6||
Kīn ugra tap din mati toṣhā, tah kachhu mās rahe binroṣhā |
Tah te dik dachchhin ju payānā, himgirimadhi īk vipin bhayānā ||7||
Tinmadhi vicharat sūraj māsā, Nīlkanṭh baṭu param prakāshā |
Sovan ke baṭatrutar chhāye, tapyogī Gopāl suhāye ||8||
Tin dekhat bhaye Yogī pāsū, rah aṣhṭāngyog shikhtāsū |
Ek abda rah kṛupā nidhānā, yogin nijswarūp diya gnānā ||9||
Siddhagati ko prāpat kīnā, tahate path uttarkā līnā |
Nīlkanṭh baṭu ādi varāhā, tīrtha tāsu pāye shubhrāhā ||10||
- Vrajbhāṣhā Vachanāmṛut
